Top 5 Horror Movies that Killed People in Real Life

Kya koi movie dekhte dekhte logo ki jaan ja sakti hai? Kya sach me aisa ho sakta hai? Akhir aisa kya hai un movies me jinko dekhne ke baad logo ne apni jaan dedi. Ye aapke liye jaanna kaafi excited ho rha hoga. To jaante hai Top 5 Horror Movies that Killed People.

Filme lagbhag har theme par banayi jaati hai aur unme se kaafi filme aksar hamari asal zindagi par filmayi jaati hai. Life se milta julta filmi scene dekhne ke baad yakeenan kaafi logo ko pasand bhi aata hoga aur wahi koi emotional scene aajaye jo life se relate karta ho to audience emotional bhi ho jati hai. Kai baar to emotions aansuo ke roop me behjate hai.

Baat kre Horror filmo ki to wo ek aisa hissa hai jo life se relate na karte hue bhi hamari dhadkano ki raftar badha deti hai, agar film achi tarah banayi ho to warna horror ko comedy banne me jyada der nhi lgti. Jaise kabhi kabhi darne ki jagah hasi bhi ajati hai

Aaj hum baat karenge kuch aisi filmo ki jinki bajah se logo ne apni jaan gawa di. Chahe wo kisi film ki bajah se ya kisi shock ki bajah se. To aaiye jaante hai aisi filmo ke baare me.

1. The Conjuring 2 (2016)

The Conjuring 2 (2016) - Horror Movies that Killed People in Real Life
The Conjuring 2 (2016)

The Conjuring 2 : Is film ka logo ko kafi intjar tha kyunki iska pehla part kafi darawna tha. Lekin june 2016 me release ke baad ye film kaafi charcha me aagyi. 17th june 2016 ko 65 saal ke ek vyakti jinka naam G. Rammohan tha jo ki Andhra Pradesh ke rehne wale the. Wo apne friend H. Prasad ke sath saher ke Sri Balasubramaniar Cinema me movie dekhne gye.

Film ka climax aane par mohan ko chest pain hone lga aur wo wahi par behosh ho gye. Itne me unka friend Prasad unhe pass ke ek sarkari hospital le gya aur waha pahuchte hi Doctor ne unko mrat (dead) ghosit kar diya. Times of India ne is pure hadse ki jaankari di thi. Isme achambhe ki baat ye hai ki dead body ka abtak koi pta nhi chala.

2. Avatar (2009)

Avatar (2009) - Horror Movies that Killed People in Real Life
Avatar (2009)

Avatar : 2009 me release hui is film ne puri duniya me tahalka macha diya tha. Jidhar dekho udhar bas avatar ka promotion chal rha tha. Sabse jyada kamayi karne wali filmo me se ek hai movie Avatar. CBS News article se hume is hadse ki puri jaankari milti hai.

Taiwan city ke 42 saal ke ek vyakti jab 3-D glasses lagake film ka luft utha hi rahe the ki tabhi wo ajeeb sa mehsoos karne lag gye. Wo hospital pahuchte pahuchte behosh ho gye. Jab hospital me unki body scan ki gayi to pta chala ki unko brain hemorrhage hua hai.

Jiska reason film ke liye over excitement bataya gya. Uske 11 din baad unki maut ho gai. Lekin sachchai yahi hai ki film ki bajah se ek insan ko apni life se hath dhona pada.

3. The Twilight Saga: Eclipse (2010)

The Twilight Saga: Eclipse (2010) - Horror Movies that Killed People in Real Life
The Twilight Saga: Eclipse (2010)

The Twilight Saga: Eclipse – Ye ek romantic fantasy film thi. Is film ne kitno ki jaan li ye kehne se jyada acha ye kehna hoga ki is film ki bajah se kitno ne apni jaan di hai.

Aisi hi ek kahani hai 23 saal ke naujawan Damian Anthony ki. Ek News Article ke anusar Anthony film dekhne ko sham ke 6 baje gye aur raat ke samay 06.10 par jab theatre staff unhe uthane aaya to wo bilkul bhi hil nhi pa rhe the. Kyunki tab tak unki maut ho chuki thi.

Hospital me 2 din baad unka check up chalta rha aur unki maut ki asli bajah kisi ko samajh me nhi aayi. Unki maut ek raaz bankar reh gai. Detective squat ke anusar unki body par ek bhi injury ka nishan nhi paya gya lekin jo tha yahi sach tha.

4. Aliens (1986)

Aliens (1986) - Horror Movies that Killed People in Real Life
Aliens (1986)

Aliens : Ye film alien franchise ki sabse darawni film mani jaati hai kyunki is film ki bajah se ek indian student ko apni zindagi khoni padi thi. Jaisa ki Times of India ne bataya hai.

Visakhapatnam ke 8th class me padne wala student Prabhakar apne hostel me 500 student ke sath film dekh rha tha. Kabhi kabhi manoranjan ke liye students ko hostel me film dikhayi jaati thi. Us raat kareeb 11 baje tak usne film dekhi aur fir washroom chala gya. Waha se thodi der baad wo cheekhta chillata bahar aaya.

Cheekhte chillate hue wo wahi pahucha jahan par sabhi film dekh rhe the aur wahi pe behosh ho gir pada. Lekin sabka dhyan film par tha to kisi ne uski awaz nhi suni. Film khatam hone ke baad jab use uthaya gya to wo nhi utha. Fir use nazdiki hospital le jaya gya. Waha use mara hua ghosit kar diya gya.

5. The Passion of the Christ

The Passion of the Christ - Horror Movies that Killed People in Real Life
The Passion of the Christ

The Passion of the Christ : 2004 me release hui is film ka direction Mel Gibson dwara kiya gya tha. Film me puri tarah se khoon kharaba aur hinsa dikhayi gyi hai.

BBC News dwara bataya gya : Brazil ke ek 43 saal ke paadri jinka naam tha Jose Geraldo Soares. Unhone apni family aur 2 paadriyo ke sath film dekhne ke liye sunday ki tickets book kar rakhi thi. Lekin film dekhte vakt unki patni ko ehsas hua ki wo koi harkat nhi kar rhe hai. Tabhi film dekh rhe ek doctor ne unki jaanch ki aur unke mara hua ghosit kar diya.

Soares dusre insan the jinki maut ye film dekhte hue hui thi. Isse pehle 56 saal ke Peggy Law Scott ki maut bhi is film ka climax dekhte hue heart attack se hui thi.

Filme sirf aur sirf entertainment ke liye banayi jaati hai. Bade afsos ki baat hai ki film ki bajah se logo ki jaan bhi chali jaati hai. Film me dikhaye gye emotions etc sab fake hote hai. Lekin bahut jyada dimag lagake apne ander basana aapke liye jaan lewa ho sakta hai.


Mujhe Umeed hai aapko hamari ye post pasand aayi hogi. Agar aapka koi sawal ya sujhav ho to aap neeche comment karke bata sakte hai. Is post ko apne sabhi dosto ke sath share karna na bhule aur naye naye update ke liye hamare sath jude rahe. Have A Nice Day !!!