October Movie Review | October Cast, Crew and Story

Namaskar Dosto, aaj hum baat karenge April me release hui love story movie October ki. October ek bilkul alag love story movie hai. Aisi love story jo shayad aaj tak bollywood movies me dekhi na gai ho. Ho sakta hai kuch logo ko ye movie kam samajh me aayegi aur kuch ko bahut pasand aayegi. Story writter ne industry me kuch nayapan lane ki kosis ki hai. Dekhke hai ye kosis kis had tak kaam aayegi. Aiye jaante hai October Movie Review.

Star Cast of the Movie

  • Varun Dhawan as Danish Walia (Dan)
  • Banita Sandhu as Shiuli Iyer
  • Sahil Vedoliyaa as Manjeet
  • Gitanjali Rao as Prof. Vidya Iyer
  • Ashish Ghosh as Dr. Ghosh

Crew of the Movie

  • Shoojit Sircar (Director)
  • Ronnie Lahiri, Sheel Kumar (Producers)
  • Juhi Chaturvedi (Screenwriter)
  • Shantanu Moitra (Music Director)

Story of the Movie

Dan (Varun Dhawan) apne batch mates ke sath delhi ke top hotel me hotel management karne aata hai. Dan ek aisa banda hai jo bilkul bhi apne kaam pe dhyan nhi deta, ek dum careless rehta hai aur wahi dusri taraf Shiuli (Banita Sandhu) apne har kaam ko perfectly karti hai. Isi beech ek aisa hadsa hota hai jisse Shiuli ki halat gambhir ho jati hai. Yahan se story ek naya mod leleti hai jo Dan ko kaafi had tak badal deti hai. Kis prakar ek hadsa film me love story create kardeta hai, ye sab jaanne ke liye aapko movie dekhni hogi.

October Movie Review in hindi
Source – ibtimes.co.in

Review of the Movie

Film puri tarah se love story par adharit hai. Dekha jaye to film me na to jyada dialogues hai, nahi koi faltu drama hai fir bhi film apni ek alag chhap chhodti nazar aayi hai. Film bilkul simple, naye tarike se darshayi gai hai aur shayad yahi film ko khoobsurat banati hai.

Dan ek 21 saal ka ladka bilkul anadi aur laparwah lekin ghamand bilkul nhi. Dan ki colleague Shiuli jiske sath abhi tak sirf casually bolchal thi. Lekin jaise hi Shiuli accident ke dauran hospital pahuchti hai Dan ka swabhav dheere dheere change hone lgta hai aur dono ek dusre ke ekdum kareeb aane lagte hai, samajhne lagte hai. Shayad isi ko love kehte hai.

October Movie Review
Source – hindustantimes.com

Film me kuch scenes aapko kaafi pasand aayenge. Jaise Dan aur Shiuli ke hospital wale scenes me, dono ek dusre ke relation ko kareeb se samajhne lagte hai. Is scene ko full creative skill ke sath likha gya hai aur sundar tarike se darshaya gaya hai. Is scene ko dekhne ke baad me guarantee deta hu aap ke chehre par ek halki si smile aajayegi.

Varun Dhawan ki acting ki baat kare to ab acting me kafi sudhar aaya hai. Is film me khaskar Varun Dhawan ki natural acting sach me dekhne layak hai. Banita Sandhu apni beautiful aankhon se apne emotions ko express karti nazar aayi hai. Gitanjali ka Shiuli ki maa (mother) ka kirdar classic tha. Overall film dekhne layak hai aapko dekhna chahiye.

Overall Analysis

  • Direction:              –Excellent
  • Dialogues:             –Average
  • Screenplay:           –Good
  • Performance :        –Excellent
  • Visual appeal:        –Good

Mujhe Umeed hai aapko hamari ye post pasand aayi hogi. Agar aapka koi sawal ya sujhav ho to aap neeche comment karke bata sakte hai. Is post ko apne sabhi dosto ke sath share karna na bhule aur naye naye update ke liye hamare sath jude rahe. Have A Nice Day !!!