Unknown Facts About Heath Ledger (Joker) in Hindi

2
262

Unknown Facts About Heath Ledger (Joker) in Hindi

Actor wo hota hai jo apne dwara nibhaye gye kirdar ko jinda kar dete hai. Actor apni real jindagi se na balki uski parde par ki gai acting se pehchana jaye ye bahut badi baat hoti hai. Me baat kar rha hu legendary actor Heath Ledger ki. Ye wo shakhs hai jisne apni ek hi film se puri duniya me apni acting ka danka bajwa diya. Aaj me aapko bataunga Unknown Facts About Heath Ledger (Joker) in Hindi. Batman : The Dark Knight super villain Joker.

  • Early Age

Heath Ledger Early Life - Heath Ledger Joker character - Unknown Facts About Heath Ledger

 

Heath Ledger ka janam Australia ke Perth city me hua tha. Heath Ledger apne maa baap ke eklaute ladke aur teen bahene thi. Inko bachpan me hockey bahut pasand thi. Sabko lgta tha ye ladka hockey me master banega aur naam kamayega. Lekin shayad kismat ko kuch aur hi manjoor tha.

  • First Brake

Heath Ledger First Brake - Unknown Facts About Heath Ledger

10 saal ki umar me inhone apni pehli film ki thi. 2010 me release hui film Spider Man me unhe Peter Parker ka role offer kiya gya. lekin unhone wo karne se mana kar diya. Ek baar unse pucha gya ki wo apni kis film ke kirdar ko kam pasand karte hai to unka jawab tha film “Casanova“.

Ek baar unhone kaha tha unhe acting karna bahut pasand hai lekin unko ye Naam Prasiddhi (Name Fame) bilkul pasand nhi. Unka manna tha ki wo bhi ek aam insan hai.

  • Character Catching

Heath Ledger Joker character - Unknown Facts About Heath Ledger

Jab Christopher Nolan apni film The Dark Knight ka audition kar rhe the tab actual me Heath Ledger ne audition diya tha jabki isse pehle wo filmo me lead role kar rhe the. Audition ke baad Nolan ko lga ki is kirdar ko nibhane ke liye isse behtar actor ho hi nhi sakta. Apni character ke liye unhone 43 din tak khud ko hotel room me band karliya tha.

Dukan se sasta make up ka samaan late the aur khud hi apna make up karliya karte the. Unka maanna tha ki joker ka jo kirdar hai unke pass bhi make up artist nhi hote. Joker khud hi apna make up karte hai.

Agar aapne film me interrogation wala scene dhyan se dekha hai to me aapko bata dun is scene ke liye Heath Ledger, Christian Bale (Lead actor as Batman) se kaha tha ki mujhe puri taqat se maro taki ye scene kisi bhi tarah se fake na lge.

  • Character Originality

Michael Caine jinhone film me Alfred Pennyworth ki bhoomika nibhayi thi unka saamna Heath Ledger se shoot ke dauran hi hua tha. Jab pehli baar Michael Caine ne Heath Ledger ko Joker ke kirdar me dekha to wo itna dar gye ki darke mare apni lines tak bhul gye. Ab aap samajh sakte hai ki kitna real character lag rha hoga.

  • Self Improvising

Pure din wo set pe apna make up nhi utarte the fir chahe unka scene ho ya na ho. Normal kapdo ke sath bhi wo apne make up me najar aate the. Shooting ke dauran kuch scene aise hote the jinhe wo khud hi improvise kar lete the jaise film me taali bazane wala scene.

  • Death Reason

22 January 2008 ko medicine ke overdose ki wajah se ye chamakta sitara hamesha ke liye doob gya. Heath Ledger ko is role ke liye Oscar Award se sammanit kiya gya. Wo aise dusre actor hai jinko marne ke baad Oscar Award mila. Isse pehle Peter Finch jinko apni Film Network ke liye marne ke baad Oscar se sammanit kiya gya.

Heath Ledger death - Unknown Facts About Heath Ledger

Jab unki maut hui tab wo sirf 28 saal ke the. Unhe is baat ka andaza bhi nhi tha ki wo itni jaldi is duniya ko alvida keh denge. Isiliye shayad unhone apni wasiyat me apni beti ka naam nhi likha tha. Unki maut is dauran hui ki wo apni agli film ko bhi pura nhi kar paye. Fir us film ke actor, co-actor ne us film se mili puri kamayi Heath Ledger ki beti Matilda Ledger ko daan kardi.

  • Ittefaq Ki Baat

Heath Ledger ne apni pehli film (1992) me Joker ka kirdar nibhaya tha. Ittefaq ki baat ye hai ki jaate jaate apni akhiri film me bhi wo ek joker ke kirdar me hi the. Unki death ke baad Australian Film Society ne unke naam pe ek scholarship bhi chalayi jiska naam bhi Heath Ledger rakha gya tha.

Heath Ledger Joker - Unknown Facts About Heath Ledger

Shooting ke dauran unke pass ek diary raha karti thi jisme wo apne experiences share kiya karte the. Us dairy ke last page pe likha tha “Bye-Bye”. The Dark Knight ke release se pehle hi unki maut ho gai. Aur aaj bhi sara desh unhe yaad karta hai.

Kuch actor aise hote hai jo apne pure filmi career ki wajah se yaad kiye jaate hai lekin Heath Ledger apne ek hi character ki wajah se logo ke dilon me rahenge. Is puri film industry me Heath Ledger ko aaj tak ka best villain kaha jaye to ye galat nhi hoga.


Mujhe Umeed hai aapko hamari ye post pasand aayi hogi. Agar aapka koi sawal ya sujhav ho to aap neeche comment karke bata sakte hai. Is post ko apne sabhi dosto ke sath share karna na bhule aur naye naye update ke liye hamare sath jude rahe. Have A Nice Day !!!

2 COMMENTS

LEAVE A REPLY

Please enter your comment!
Please enter your name here